IngEt KepAda ALLAH SWT

Banyak hal, sadar atau gak sadar, yang sering kite inget. Misalnya, mantan pacar, kejadian2 lucu-nyebelin-nyang bikin sakit hati, duit kite nyang ilang dlsb. Ingetan kite pada hal2 negatif bisa ngebawa jiwa kita kearah nyang gak nyaman, alias gelisah alias gak tenang. Ingetan kite pade hal2 nyang positif ngebikin jiwa kite kerasa nyaman, tenang damai dan bahagia….

Satu2nye nyang paling teramat sangat positif dari segala sesuatu nyang positif adalah ALLaH SWT. DIA-lah satu-satunye nyang punye hak untuk senantiasa / lebih banyak di inget-inget. Tul khan ? mo dong idup tenang, nyaman, tentram dan damai……?

Masak sih kite sering banget inget ama pacar, tapi jarang inget ame nyang nyiptain pacar kite ? kite inget ame duit, anak, istri, suami, bahkan kite ngelayanin-berjuang untuk mereka,  tapi gak mo inget sama nyang udeh ngasih kite tenaga dan kekuatan untuk ngelayanin-perjuangin mereka ? coba ente pikirin, pantes gak sih ?masak sih ? bego kali ye ?

Nah, mulain dari situlah banyak orang nyang ngumpul dan bikin perkumpulan (majlis) Dzikir. Tempat / majlis2 kek gini, bisa buat kite ngelatih inget ame Allah. Tapi inget bro n sis, majlis2 itu adalah sekedar tempat latihan, karena praktek sebenernye di kehidupan kite sehari-hari, kapan aje, di mane aje, dalam posisi dan kondisi bagemanapun, kite tetep inget ame Allah SWT. Kalo latihan kite sukses, maka minimal 13 jam sehari-semalem kite bise dalam keadaan inget ame Alloh. Dari 24 jam, bise inget ame Allah 13 jam. waaah harus ninggalin kesibukan nyang laen dong ? gak gitu kaliiiii…….. sambil mandi inget trus ame Allah, sambil makan, sambil kerja, pake baju, dlsb tetep inget terus ame Allah…..

 

Dzikir itu dari bahasa arab nyang artinye inget. Jadi, Dzikrulloh adalah Inget kepade ALLaH. Dzikrulloh / Inget Allah itu dilakukan lewat banyak cara : ade nyang pake lisan doang, ade nyang pake perasaan doang, ade yang berdzikir pake pikiran/otak doang,  ade nyang dzikrulloh pake hati. Supaye dzikrulloh effektif dan bise dilakukan dimane aje maka biasakanlah/latihlah dzikrulloh itu di dalem hati. Koq gitu sih ? nah iyalaaah…. Masak sih, kite lagi nongkrong,  di tempat gawe ato di keramean mulut kite klemak-klemik kek orang lagi ngomong sendirian, bisa2 di kira orang gokil…hehehe.. kalo dzikrulloh pake otak, bro n sis gak bakalan bise terus menerus, karena otak sering punye kerjaan laen….. kalo pake perasaan, bro n sis bakalan jadi males kerja, males berkarya, males mikirin dunia dan seisinye……  

 

Udeh dulu ah…. tentang dzikrulloh…. Insya Alloh ade lagi nyang berikutnye… kalo ente udeh baca postingan ini trus ente gak nyobain untuk senantiase berusahe inget ame Allah dlm setiap detik kehidupan ini, maka ente termasuk orang2 nyang gak pantes…… betul khan ?  hayooooo…..

 

WALLOHU A’LAM BISHOWAB !