hasbiedaud

quality is our priority

Apakah anda Kenal dengan si IMAN

Si iman sering ilang-ilangan, jadi repot nich nyarinya, padahal kalo gak ada si iman kita gak bakalan bisa seneng-seneng on the next world, malahan pasti…pasti..pasti keblangsak.

Man, Maaan…. ente dimane sich ? tau-tau ade jawaban haluuuuuus banget sampe nyaris tak terdengar (kek iklan mobil solar ye?)….. wwwoii, ini gue di dalem Hati Lo…. Postingan apaan sih nih ! tau ah gelap…..


Asal katanya iman ditambah awalan ber- jadi beriman…. (kek guru bahasa ye..?) hehehe…..
kalo awalan -ber ditambain ke kate dasar, maka itu berarti punye atawe memakai,  jadi orang beriman itu artinye orang nyang punye iman, orang nyang memakai iman… (tuh khan bener kek guru bahasa)
biarin deh….. hehehe…
kalo bahase arab orang beriman itu disebut al-mukmin.
beriman itu bukan gelar/predikat nyang diberikan oleh ortu kite, calon mertua kite, tetangga kite, pacar kite, atau siapapun…. bukan ! tapi Mukmin itu predikat nyang Alloh berikan kepade orang2 tertentu… Gak ade universitas nyang bise ngasih predikat / gelar Mukmin kepade seseorang….. gak ade baju / pakean nyang bise bikin orang jadi beriman…. walopun kite pake baju koko atawe pake baju gamis, atawe pake peci, sorban dlsb…. gak musti tiba2 jadi orang nyang beriman….. iye khan ?
dan gak ade tempat nyang bise bikin kite tiba2 jadi orang beriman, misalnye, nyang nongkrong di masjid itu belon tentu orang beriman semua, bise aje khan maling sendal, koruptor atawe tukang tipu ? (nah loooh…..)
Iman gak bise di beli, soalnye kalo bise dibeli maka orang2 kaya banyakan nyang beriman, dan orang miskin gak pade punye iman….. tul khan ?
Tapi, iman bise dijual, misalnye, ade orang nyang dititipin sedikit iman oleh Alloh SWT, kemudian die kelaperan, anak-bininye juge kelaperan, trus ade nyang nawarin mie instan dengan syarat pindah agame, eeh… trus die mao aje…. itu artinye die jual imannye dengan mie instan….. ade lagi nyang anak-nye kagak bise sekolah, trus ade nyang mao nyekolain anaknye dg syarat kudu pindah keyakinan, trus die terime….. die tuker imannye ame duit…. bego ye ?… iye bener sih, biasenye nyang begitu nyang bego doang, alias nyang beragame kagak pake mikir, alias cintenye ame dunia lebih gede daripade cintanye ame ALLOh dan Rosulnye….
Iman itu semata-mata dari  Alloh SWT kepade hamba2NYA nyang dikehendakin….. ade nyang sifatnye pinjama /titipan, dan pemberian…. (waaah apaan sih ni..?)

Iman pinjaman / titipan, sewaktu-waktu akan di tagih kembali oleh nyang minjemin / nitipin……

Apabila Alloh SWT  mao ngambil kembali Iman dari hati seseorang, maka dilakukan dengan cara nyang lembut, pelan2, sedikit demi sedikit, supaye orang tersebut punye kesempatan untuk memperbaiki dirinye…


Tanda2nye Iman Pinjeman / Titipan akan diambil oleh PEMILIKNYE :

1. Orang tersebut diberi kesibukan luar biase sehingga gak ade waktu, gak sempet lagi mmempelajarin Al-Qur’an dan Assunnah.

2. Diberi waktu buat mempelajarin Al-Qur’an dan Assunnah tetapi gak di beri pemahaman nyang lurus, nyang bener.

3. Diberi kemampuan untuk memahamin Al-Qur’an dan Assunnah dengan bener-lurus tapi gak di beri kemampuan buat mraktekin /ngaplikasiinnye di kehidupan nyata.

4.Di berikan kemampuan buat ngaplikasiin / mraktekin Al-Qur’an dan Assunnah, tapi gak diberi kemampuan buat Ikhlas.

5. Diberi kemampuan buat Ikhlas berbuat baek, tapi gak diberi kemampuan buat mempertahanin keikhlasaanye sampe akhir hayat.

iman pemberian… nah ini baru asyiiiik..!


Tanda2nye Iman Pemberian :

1. Bisa bersabar kalo ketimpe musibah.

2. Bisa bersyukur dengan nikmat walopun sepele.

3. Selalu Ridho dengan takdir walopun pahit.

udeh dulu ach…. kepanjangan gak sih ?


Wallohu a’lam bishowab

November 5, 2007 - Posted by | Agama, pemikiran

2 Komentar »

  1. Aku kenal sedikit dengan si Iman dan ingin lebih jauh kenal, sejauh-jauh mungkin, mungkin lebih dulu harus makrifat dulu “awaluddin makrifatullah” untuk membangunkan si Iman. rukun imann yang pertama Juga Iman Kepada Allah bagai mana bisa kita iman kalau kita belum banyak tahu (belum mengenal) Alloh rasanya Aku sekarang masih bisa dikatan asal iman saja, bukti iman itu kata orang-orang tua ” bila terdengar nama Allah bergetar hati kita” kayaknya hati aku belum ada getarannya …… berapalah kira-kira kadar si Iman Aku. kataya lagi “mengingat nama Allah itu hati jadi tenteram” rasanya aku belum juga dapat rasa begituan bagaimana kawan tolong kenalkan aku dengan Si Iman, orang bilang ada yang namanya “Iman Kamilmulkamil” dengan iman segituan bagaiman pula kadar Shalat aku dan ibadah yang lain sedangkan ilmu dasar Aku masih jauh dari cukup.

    Komentar oleh Pencari Iman | November 7, 2007 | Balas

  2. dgcbv

    Komentar oleh Chandra Adi S | Agustus 28, 2011 | Balas


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: